Lahar Patimungo Thowikha Khoroksa Tiprasa Sikla || “Champaknagar PHC” Ambulance Tongphano Kwrwi Driver

Spread the love

Ambulance tongphano Driver Kwrwi. Lahar Patimungo Thowikha Montfort Amchaini Khoroksa Tiprasa Sikla. Mung Alip Debbarma. Patimungo Saimanjakha Koktisal Horni Damchuku Tamani Jorao, Champaknagar ni Simi Nogo (Chengkharu Kami Monfort) Kiphilmani Lama Barjabasi Kamio Saichong Saichongno Lahar Patimungo Kwlaiwi Belaino Sago Dukho Manmani. Logilogi Bono Ganagini Amchaini Lukurok Champaknagar Sakham Nogo Twlangwi Thangkha. Phiya ba Kaham Sakham ni Bagwi Agartala GB Sakham Nogo Rohornani phano, Champaknagar PHC oh Ambulance Malkhung tongphano, Kwrwi Malkhung Mothornai. Kwrwi Sakham Nogo PHC ni Incharge Dr.Biswajit Debbarma. Paithago Champaknagar Sakham Nogono Chokha Bini Langma. Nokni Bororok bai Salangmanliya thaisa Kok. Lahar Patimungo Monfort Amchaini Alip Debbarma Thowimani Koktwma Manwi, Champaknagar Sakham Nogo Dolai Phailaikha Bini Jotto Jaiti Masa tei Amchaini Lukurok.

Champaknagar PHC Ambulance Driver Kwrwi ni Bagwi, Postmortem ni Bagwi Auto Malkhung bai Rohorjakha GB Sakham Nogo Bini Mangkwthowi. Abono Nugwi Belai Tongphwlalaikha Thowinai Alip ni Takhuk Bukhuk tei Amchaini Lukurok. Borokni Swngmung Ambulance Tongphano, Tamoni Bagwi, Auto Malkhung bai Rohorjakha GB Sakham Nogo Alip ni Mangkwthowi. Phiya bba Mungsa Phirokmung Ruwi Manliya Sakham Nokni Naikol Adongrok.

Leave a Reply

Your email address will not be published. Required fields are marked *