Haino hai Wrong Treatment ni Bagwi, Tripura Hasteo Thowikha Khoroksa Chakrajwk

Spread the love

Bhowmik Nurshing Home ni Chaya Treatment ni bagwi, Haino hai Langma Chokha Khoroksa Chakrajwkni. Mung Sukla Chakraborty. Abohaino Koksilsamung Tisawi, Bhowmik Nurshing Homeni Bugra Dr.Dilip Bhomik ni Sakao Surjakha Yasi, Thowinai Chakrajwkni Nukhungni Bororok.

Kisasuk Saknainai Rokni, Chaya Sakham Sebni Bagwi, Hasteo Kaisani Yakulo Kaisa Sakham Nainairokni Sakao, Kasawi tongo Koksilsamung. Kokslsamung Simiya Abo hai Patimungni Yakulo, Swbai Sukubh Khlaijago Nurshing Home tei Sakham Nokrok. Hai Phano Saktharmung Naharya, Abo hai Kisasuk Thokai Saknainairok. Aboni Bagwi Jwngjalo Kwlaina Nango Tongkosong Chukya tei Siyathaya Lukurok.

Abohaino Kaisa Patimung, Rajakhor Agulini Bhomik Nurshing Home ni Koktwma. Koktwmani bisingtwi saimanjakha, Sal kwdwkma Jora Romwi Tumer ni bagwi Bohok Sajagwi Sakhamya tongmani, Rajakhor Aguli ni Sukla Chakrabarty Mungwi Khoroksa Chakrajwk. Aboni Bagwi Bhomik Nurshing Home o Treatmentni Bagwi Tubujakmani. O Nurshing Home o Operation Khlaimani Yakulo, Tei Sicha Phailiya Sukla Chakrabarty. Operation ni Mungwi Rang 3.5 Lakh Namani Yakulo bo, Hamrwnani Bagwi Mungsa Lama Nuhurjakya Wngwi, Paithago TMC Hostpitalo Rohorkha Bono Dr.Dilip Bhomik. Paithago Salbwrwichibwrwi (44) ni Yakulo Chasalo TMC Hostpitalo Sukla Chakrabarty ni Chokha Langma. Thowinai Nukhungni Bororokni Koksilsamung Bhomik Nushing Home ni Ojama Dr.Dilip Bhomikni Chaya Treatment ni Bagwi no, Kwrwi Kwrwi ni Thowina Nangkha Sukla Chakrabarty Honwi.

Leave a Reply

Your email address will not be published. Required fields are marked *