Biyalni Bagwi Salba Saldokni Achaidrop Bwsa Nono, 1500 Rang bai Phalwi Rohorkha Buma tei Bupha. Poito Chathothokya Phano, Phiya ba Abono Kubui. Patimung Khowai Padmabil RD Blockni Bisingo Khobjaknai Twihasing Kamini Koktwma.
Buini Nogo Kamla Thangya Honkhe, Nogo Kasaja Hati tei Mairung. Phiya ba Lockdown no Kitingwi Abohai Chacharara Jorao, Naruknai Kwrwi Kebo Kamla. Abono Karwi bo Salbrumno Watwi tongmani bai, Kamla ni Samung Khlai Thani bo Achaikha Kotor Kebengmung. Hake Salbrumno Salo Phatiktham Chanani Bagwi, Boroni Phai Sinai Mairung tei Chamung. Buino San Honwi, Sal Bwsuk Sanwi Birwi Chasinai, Basra Tongksong Mangal ni Nukhung. Koktwma Khowai Padmabil RD Blockni Bisingo Khobjaknai Twihasing Kamini.
Kwpalni Abohai Birman ni Kokrokno, Kebono Sawi Hamjakliya Basra Mangal. Khoroknwi ni Ajima bai, Khorokdok Chanani Puchukya Borokni Nukhungo. Nogo Charwi Manya ok Bukcha tongmani Slai, Buini Nogo Thangwi Phano, Kahamkhe tongwi Mansithung honwi Wansugwi, Sakni Bwsa Nono Buino Rohornani Bagwi, Gosiya Bwkhano Holong Swnamkha Mangal tei Bini Logisong. Salba Saldokni Achaidrop Bwsa Nono, Buino Rwi Rohorkha Borok. Mankha Rang 1500.
Sakni Bwsano, Buino Yapharwi Rohornai Bumano, Hamjakma Kwrwi de Honnai eba Hamjakma Gwnangkuk de Honsinai, Patimungno Khonawi Kwmanglaijak tabuk, Ganagini Amchaini Jotto Lukurok. Phiya ba oh Patimungno, bobo hai Kokthai eba Bobo hai Khoraimung bai, Sasinai Chwng Lukurokno, Kwrwikha Abohai Kaisa Kokthai Chini Thani.