Swkango Saklaijak tongmani Haikhe 5th July Salmari Koktisalo, Damnwichibwrwi Jorani Bagwi, Haste Gwnagwi tongnai Full Lockdown. Kholobjak tongnai School, College, Office, Guest House tei Coching Centre Rok. Emergency Service no Karwi, Laharo Wngkhorwi Manglak Public Car tei Passengers Malkhung. Lockdown ni Phataro tongnai Police, Media, Sakham Seb tei Emergency Service.
Hasteni Lukurokno Corona Virus Bemar ni Kati Rwnani Naharmungo, Haino hai Damnwichibwrwi Jorani Bagwi, Full Lockdown Khlainani Wansukmung Naharkha Haste Haphang. Aboni Bagwi 5th July Salmari Koktisalo Damnwichibwrwi Jorani Bagwi Haste Gwnagwi tongnai Full Lockdown. Koktisalo Phungni Damba Jorani Simi Tangsal Phungni Damba Jora Phwnangjak tongnai Lockdown. Kholobjak tongnai School, College, Office, Guest House tei Coching Centre Rok. Emergency Service no Karwi, Laharo Wngkhorwi Manglak Public Car tei Passengers Malkhung. Lockdown ni Phataro tongnai Police, Print Media, Electronic Media Workers Rokno Khobwi, Sakham Bedek tei Emergency Service ni Adongrok. Salsani oh Full Lockdown no twiwi, Hasteni Mantri Okra Biplab Deb, Hasteni Lukurok Bobo haikhe Kok Kwcharkha, Khonai Naidi Lukurok.
Phiya ba Muthubjak tongnai Surithai Nok, Thwngkwrwng Tangnok, Hukumu tei Social Gathering Hall Nokrok.