25th Oct.2020, Agartala : Chasal Horo Amchaini Lukurokni yago Manjakha Magazine tei revolver (Pistol) no khobwi khoroksa Sikla. Mung Phalgunhari Jamatia. Omar Bisithamchiba. Tongthai Ampi Amchaio. Amchaini Lukurokni yago butok khlaijakmani yakulo police ni thani yapharwi rwkha bono Teliamura Hadrai Amchaini Lukurok.
Patimungo Saimanjakha, Teliamura Hadrai Amchaini Bukrasongni Nogo berainani phaimani Ampi Amchaini Phalgunhari Jamatia. Chasal horo hadrai amchaini Kisasuk Siklarok bai Chuwak Maikham twiwi achuklaimani. Phiya ba Pandani Kwcharo borokni bisingo kok banglaimani bai, bwchangni Pistol tikhlaiwi Hadrai Amchaini Siklarokno koknani Naikha, Phalgunhari Jamatia. Bini Yago Silai nugwi baksa borok panda yakarwi kharwi thangmani koktwma. Phiya ba Srapsani Yakulo khe, Dol Thumwi phaiwi kitingwi Romlaikha bono Amchaini Lukurok. Jaikhe Swprakmani Yakulo, Teliamura Police ni yago yapharwi rwkha bono amchaini lukurok. Rommani Yakulo puilano bono Teliamura Sakham Nogo twlangwi thangkha Police.
Policeni bai koksalaiwi saimanjakha, Romjaknai Phalgunhari Jamatia ni Mungwi Swkangno Gumati Hangkhorni Dalbidal Thanao Bini Mungwi Kwbangma Case tongmani honwi. Phiya ba ah horo revolver (Pistol) Manphano Magazine Recover Khlaiwi Manliya Police. Biyango thangkha Phalgunhari Jamatia ni yakni Manmani oh Magazine ? Kasajak Swngmung kotor.