JUST IN : CHINI KHORANG
28TH JUNE 2020, JAMPUIJALA : BJP ni Mandal President Nirmal Debbarma ni Malkhung Swbaijakmani Patimungo Tongphwlajak Jampuijala Takarjala Amchai. Samung Sitra tangnairokno Romnani Sanmungo Chasalo Jampuijala thana Kitinglaimani BJP ni Adongrok. Jampuijala Thanao Khlaijakha IPFT Adongrokni Mungwi FIR. Aboni teini Sal Koktisalo haino hai, IPFT Adongrokni Sakao tatal Koksilsamung Tisawi tatal Mamla Khlaijago honwi Jampuijala tongphwla Rwkha IPFT ni Adongrok.
IPFT Sikla Rokni Sakao Abohai Khe tatal FIR Khlaimani Mwthaknani Sanmungo a Salo Jampuijala Block Bwskangni Simi Jampuijala thana Bwskangni Jaijo Jora Khlaijakha Him Botok. Aboni Yakulo Jampuijala Thanao thangwi IPFT ni Khorokchar Adongrok, Jampuijala Sub Division ni SDPO ni Bwskango Jampuijala Thanani OC Rajkumar Jamatia ni Yago Sanmung Bwlai (Deputation) Yapharwi Rwkha IPFT ni Kwchuk Adongrok.
Khorokchar Adongrokni Bisingo tongo IPFT ni Vice President Brajalal Debbarma, AGS Sukla Charan Noatia, IWFT ni President Sindhu Kanya Jamatia, IPFT ni CEC Member Adv.Mintu Debbarma tei IPFT Bodolni Office Secretary Budha Debbarma Akosong.